Dito sa Pilipinas

Dito sa Pilipinas, kapag nakagawa ka ng ISANG kamalian, huhusgahan ka, mamaliitin ka, sisiraan ka, at itatakwil ka ng kapwa mo Pilipino. At para sa mga kapwa mo Pilipino, ang kabuuan mo ay ang nagawa mong isang kamalian. Kung susubukin mong magbago, hindi ka paniniwalaan at kung mamalas-malasin, hindi ka papayagang makapagbago. Kung ikaw ay magbago at maging mabuti, ikaw ay pagdududahan at muling hahanapan ng dungis at saka ibabagsak. Walang kanan o kaliwang direksyon kang mapupuntahan dahil alinman sa mga iyon, ang tanging bagsak mo sa mga mata ng kapwa mo Pilipino ay MALI KA, SALOT KA, at WALANG KWENTA KA. Kailanma’y hindi ka magiging tama.